Azərbaycan və İsveç arasında ikiqat vergitutmanı aradan qaldıran konvensiya imzalandı

“Azərbaycan hökuməti ilə İsveç hökuməti arasında gəlirlərə görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında konvensiya” imzalanıb.

1news.az APA-ya istinadən xəbər verir ki, konvensiyanın Azərbaycanın xarici işlər naziri Elmar Məmmədyarov və İsveçin xarici işlər naziri Marqot Vallström imzalayıblar.

Qeyd edək ki, ötən gün axşamdan Bakıda səfərdə olan İsveçin xarici işlər naziri nazir Elmar Məmmədyarovla əvvəlcə təkbətək, daha sonra nümayəndə heyətləri ilə geniş formatda görüşüb.

1news.az