Maliyyə Nazirliyi: Dövlət büdcəsinə mərc oyunlarından vergi daxil olacaq

2016-cı ildə idman mərc oyunlarından əldə olunan uduşa tətbiq olunan vergidən Azərbaycan dövlət büdcəsinə 20 -25 milyon manat həcmində  əlavə vəsait daxil olacaq.

Bu haqda 10 fevral tarixində Bakı keçirilən “Azərbaycanın vergi sistemi: reallıqlar və perspektivlər”  adlı V Vergi Forumunda  Malyyə Nazirlyini, Vergi siyasəti və gəlirlər şöbəsinin rəhbəri Fikrət Şirinov bildirib.

Onun sözlərinə görə, 2013-cü ildən başlayaraq vətəndaşların əldə etdiyi uduşlar vergidən azad olunmuşdu.

“Bu tədbirlər mərc oyunları sahəsində  illik dövriyyənin artmasına imkan verdi”,- F.Şirinov bildirib.

Xatırladaq ki, daha əvvəl vergilər naziri Fazil Məmmədov bildirmişdi ki, 2016-cı ildə mərc oyunlarında uduşlardan  vergi tutulması dövlət büdcəsinə 25 milyon manat əlavə daxilolmanı təmin edə bilər.

Bu sferada dövriyyə 300 milyon manat təşkil edir. Uduşlar isə bunun 34 hissəsini təşkil edir.

“Uduşlara 10 faiz vergi qoyulduğu halda dövlət büdcəsinə daxilolmalar 25 milyon manat təşkil edəcək”, F.Məmmədov bildirib.

Azərbayacan Vergi Məcəlləsinin 101.5 bəndindəki dəyişikliyə uyğun olaraq 1 yanvar 2016-cı il tarixindən idman mərc oyunlarında əldə olunan uduşlara 10 faiz həcmində vergi qoyulacaq.

1news.az