Rusiya və OPEC-ə üzv ölkələr neftin hazırkı qiymətlərini müzakirə edəcəklər

Rusiyanın və Neft İxrac edən Ölkələr Təşkilatına (OPEC) üzv ölkələrin enerji nazirləri Qətərin paytaxtı Dohada görüşəcəklər.

1news.az-ın AZƏRTAC-a istinadla verdiyi xəbərə gör, bu haqda “Washington Post” qəzeti məlumat yayıb.

Məlumatda qeyd olunur ki, yığıncaqda Rusiyanın energetika naziri Aleksandr Novakın, Səudiyyə Ərəbistanının neft naziri Əli ibn İbrahim ən-Nuayminin, Nigeriyanın neft naziri Emmanuel İbe Kaçikvunun və Venesuelanın neft naziri Euloqio Del Pinonun iştirakı nəzərdə tutulur.

Qeyd edək ki, Rusiyanın energetika naziri A.Novak yanvarda OPEC və qeyri-OPEC ölkələri ilə ucuzlaşan neft qiymətlərini müzakirə etmək üçün yığıncağın keçirilə biləcəyini demişdi.

1news.az