Bakıda iki şagird itkin düşüb

Bakıda 11 yaşlı iki məktəbli itkin düşüb.

1news.az xəbər verir ki, bu barədə APA-ya itkin düşən məktəblilərdən biri İsmayıl Şəfiyevin anası Viktoriya Şəfiyeva məlumat verib. Onun sözlərinə görə, oğlu İsmayıl və sinif yoldaşı Şamil Babayev ötən gün təhsil aldıqları 32 №-li məktəbdən çıxıb və evə qayıtmayıblar. Onların harada olmaları barədə heç bir məlumat yoxdur.

V. Şəfiyeva qeyd edib ki, uşaqların itkin düşməsi ilə bağlı Nizami rayon Polis İdarəsinin 25-ci Polis Bölməsinə məlumat verilib.

Hazırda adıçəkilən şəxslərin tapılması istiqamətində axtarışlar davam etdirilir.

1news.az