Elmar Məmmədyarov: “Azərbaycan Ankarada baş vermiş terror aktını qınayır”

“Azərbaycan hər zaman Türkiyənin yanındadır və Ankarada baş vermiş terror aktını qınayır”.

1news.az-ın verdiyi xəbərə görə, bu haqda BakıdaTürkiyəli həmkarı Mövlud Çavuşoğlu ilə keçirilən birgə mətbuat konfransı zamanı Azərbaycanın xarici işlər naziriElmar Məmmədyarov bəyan edib.

O, qeyd edib ki, terror aktına görə, Türkiyənin dövlət başçısı Rəcəb Tayyib Ərdoğanın ölkəmizə səfəri təxirə salınıb.

Daha sonra nazir sözlərinə əlavə etdi ki, Bakıda Mövlud Çavuşoğlunun görüşü çərçivəsində regional məsələlər müzakirə olunub.

“Azərbaycan ilə Türkiyə arasında strateji əməkdaşlıq və dostluqmövcuddur”, - o, bildirib.

Onun sözlərinə görə, ölkələr enerji, nəqliyyat və bir sıra digər sahələr üzrə layihələr həyata keçirir.

 “Ümid edirik ki, cari ilin sonuna qədər Bakı-Tbilisi-Qars dəmir yolu fəaliyyətə başlayacaq”, - deyə, nazir layihələrin vacibliyini vurğuladı.

1news.az