Cəlilabadda fermadan quzu oğurlayan şəxslər ələ keçdi

Cəlilabad rayonunda fermadan quzu oğurlaya şəxslər saxlanılıblar.

1news.az-ın verdiyi xəbərə görə, bu barədə Daxili İşlər Nazirliyinin mətbuat xidmətindən məlumat veriblər.

Məlumata görə, fevralın 18-nə keçən gecə Cəlilabad rayonunun Göytəpə şəhərində yaşayan Habil Nəbiyevə məxsus fermadan 9 quzu oğurlanıb.

Cəlilabad Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş həmyerliləri Sahib Mahmudov və Elvin Şaliyev tutulub, digər 1 nəfər isə müəyyən edilib.

1news.az