Azərbaycanın xarici pasportu beynəlxalq reytinqdə 75-ci yeri tutub

“Henley & Partners Visa Restrictions Index”-in beynəlxalq reytinq cədvəlində Azərbaycanın xarici pasportu 75-ci yeri tutub.

Henley&Partners  şirkətinin Viza məhdudiyyətləri üzrə dünya indeksi (Visa Restrictions Index) 200-dən çox dünya ölkəsi və ərazisində viza qaydalarını təhlil edir və  onları vizasız rejim tətbiq olunan ölkələrə görə sıralayır.

Almaniya 3 il ardıcıl olaraq reytinq cədvəlində birinci yeri tutub. 2016-cı ildə Aman vətəndaşlarının vizasız gedə bildiyi ölkəlrin sayı 177 olub. İkinci yerdə İsveçrə yerləşir onun vətəndaşları 176 ölkəyə vizasız gedə bilir. Üçüncü yerdə 5 ölkə var- Finlandiya, Fransa, İspaniya, İtaliya, Böyük Britaniya (175 ölkə).

Azərbaycan vətəndaşları isə 218 dünya ölkəsində 62-nə vizasız rejimdə getmək imkanına malikdir. Builki  göstərici ötən illə müqayisədə daha yüksəkdir. Belə ki keçən il vətəndaşlarımız yalnız 58 ölkəyə vizasız getmək imkanına sahib idi. Beləliklə ümumi reytinqdə ölkə 78-ci mövqedən 75-ci mövqeyə yüksəlib.

Azərbaycanı  yaxın qonşuları reytinq cədvəlində aşağıdakı kimi qərarlaşıb:

Rusiya- 48, Türkiyə- 51, Qazaxıstan və Gürcüstan 71-ci mövqedə yer alıb.

Reytiq cədvəlində sonuncu yerləri Pakistan, İraq və Əfqanıstan tutur.

Qeyd edək ki, Viza məhdudiyyətlıri indeksi Hava Nəqliyyatının Beynəlxalq Assosiasiyası (IATA) ilə birlikdə  Henley & Partners  şirkəti tərəfindən 2006-cı ildən çap olunur.

Reytinq və onun metodologiyası haqqında keçiddə tanış olmaq mümkündür: https://ru.henleyglobal.com/international-visa-restrictions/

Viza məhdudiyyətinin aradan qaldırılması müxtəlif qanunvericiliklərdə daha effektiv biznes aparmağa, beynəlxalq əlaqələri saxlamağa, qlobal investisiya imkanlarından istifadə və səyahət imkanı yaradır.

Qeyd edək ki, Henley & Partners şirkəti yaşayış yerinin planlaşdırılması üzrə beynəlxalq liderdir. Şirkət bir çox ölkə rəhbərliklərinə investiya vətəndaşlığı məsələləri, həmçinindaşınmaz əmlakın alınması və tikintisi sahəsində  məsləhətçi rolunda çıxış edir.