Bakıda Xocalı faciəsi qurbanlarının xatirəsi anılır – FOTOREPORTAJ

Bu gün Bakıda Xocalı soyqırımının 24-cü ildönümünə həsr olunmuş silsilə tədbirlər həyata keçirilir.

Səhər tezdən şəhər sakinləri faciə qurbanlarının xatirəsinə həsr olunmuş “Ana fəryadı” heykəlinə gedərək, oraya gül dəstələri qoyurlar.

Səhər saatlarında Azərbaycan Respublikasının Prezidenti İlham Əliyev və xanımı Mehriban Əliyeva, eləcə də, hökumət və parlament üzvlərinin iştirakı ilə faciə qurbanlarının xatirəsinə ucaldılmış heykəlin önünə əklil qoyublar.

Müxtəlif yaş qrupundan və ictimai mənsubiyyətindən asılı olmayaraq yüzlərlə sakin Azərbaycanın Xocalı şəhərində günahsız öldürülən insanların xatirəsini yad etmək üçün buraya gəlir. Onların içrisində əcnəbi, eləcə də, kəşfiyyatçı fəallar təşkilatın üzvləri də var.

1992-ci il fevralın 26-da erməni silahlı qüvvələri keçmiş sovet ordusu 366-cı alayın köməkliyi ilə Dağlıq Qarabağdakı Xocalı şəhərinə hücum ediblər. O müdhiş gecədə erməni cəlladları 7 min dinc sakinə qarşı soyqırım hadisəsi törədiblər.

Ermənilərin vəhşiliyi nəticəsində 63 uşaq, 106 qadın və 70 qoca həlak olub. Bundan əlavə, 613 nəfər öldürülüb. 8 ailə tamamilə yer üzündən silinib, 25 uşaq hər iki valideynini, 130 uşaq isə valideynlərindən birini itirib. Faciə gecəsi 1275 dinc sakin əsir götürülüv, 150 nəfərin taleyi haqda hələ də məlumat yoxdur. 56 nəfər xüsusi amansızlıqla qətlə yetirilib. Müxtəlif yaşlarda olan 1000 xocalı sakini aldıqları güllə yarasından şikəst qalıblar.

1news.az