İTV əməkdaşının ölümü ilə bağlı cinayət işi başlanıb - FOTO

İctimai Televiziyanın (İTV) əməkdaşının ölümü faktı üzrə cinayət işi başlanıb.

1news.az xəbər verir ki, Səbail rayon Prokurorluğundan verilən məlumata görə, faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, istintaq tədbirləri davam etdirilir.

Qeyd edək ki, 1973-cü ildə anadan olmuş Əliyev Rəşad Fikrət oğlu 23 yanvar 2016-cı il tarixdə Bakı şəhərinin Bülbülə qəsəbəsindəki yaşadığı evdən çıxaraq bir daha geri qayıtmayıb.

İtkin düşəndən 35 gün sonra R.Əliyevin meyiti “Cristall hall” yaxınlığında dənizdə aşkar edilib.Onun meyitinin üzərində heç bir zorakılıq əlamətləri və xəsarətlər aşkar edilmədiyindən ilk versiya kimi intihar etdiyi güman olunur.

Nəzərinizə çatdıraq ki, R.Əliyev əməkdar incəsənət xadimi Fikrət Əliyevin oğludur. İctimai Televiziyada quruluşçu rejissor vəzifəsində çalışıb.

1news.az