ADIF rəhbəri: “Həcmindən asılı olmayaraq bütün bank əmanətləri sığortalanacaq”
Azərbaycan Əmanətlərin Sığortalanması Fondunun (ADIF) üzvü olan bütün banklarda yerləşdirilmiş əmanətlər həcmindən asılı olmayaraq sığortalanacaq.
1news.az-ın məlumatına görə, bunu jurnalistlərə açıqlamasında adıçəkilən Fondun rəhbəri Azad Cavadov deyib.
“Əgər əmanətçi qoyduğu əmanətin sığortalanmasını istəyirsə, o vəsaiti banka ADIF Himayəçilər Şurasının müəyyən etdiyi maksimal faiz dərəcəsi ilə yerləşdirməlidir. Belə ki, sığortalanan əmanətlərin maksimal faiz dərəcəsi xarici valyutada 3 faiz, milli valyutada 12 faiz müəyyən olunub”, A.Cavadov deyib.
Bu qaydalar 3 il müddətində aktiv olacaq, yəni 2 mart 2016-cı ildən 1 mart 2019-cu ilə qədər davam edəcək
“1 mart 2019-cu ildən sonra “Əmanətlərin tam sığortalanması haqqında” qanunun müddəti uzadılması- 30 min manat limitinə qayıtmaq, yaxud başqa məbləği müəyyən etməklə bağlı qərar qəbul olunacaq”,- o, deyib.
1news.az
Mövzu ilə bağlı: ADIF xarici valyutada əmanəti olan şəxslərə müraciət etdi
