Xorvatiyanın eks-prezidenti: “Ölkələrin demokratikləşməsinin arxasında enerji resurslarına nəzarət yanğısı durur”

“Dünyanın müxtəlif ölkələrində qərb demokratiyasını tətbiq etmək cəhdlərinin arxasında enerji resurslarına nəzarət istəyi durur”.

Bunu Xorvatiyanın eks- prezidenti Stefan Mesiç Bakıda keçirilən IV Qlobal Forum çərçivəsində çıxışı zamanı bildirib.

“Suriya elə bir ölkə idi ki, burada hər şey yolunda və funkional idi. Bəli, Suriyadakı demokratiya Avropa dərsliklərində təsvir olunan kimi, Avropa modelinə uyğun deyildi. Lakin ölkə  demokratikləşmə yolunda idi. Ölkəsə seçkilər oldu və müxalifət nümayəndələri parlamentdə təmsil olunurduş Lakin kim ki, əsas həllüdici qüvvədir(dünya məslələrində) Suriyanın demokratiyanı bərqərar etməsini gözləmək istəmədi”, -o deyib.

O, həmçinin bildirib ki, Suriyadakı bütün  xristian icmaları prezident Bəşər Əsədi dəstəkləyir.   

Keçmiş prezidentin sözlərinə görə dünyada yeni düzən formalaşır. O, qəbul olunmuş insan haqları ilə zidd ola bilər. “ dünya İkinci Dünya Müharibəsindən bu günə qədər belə bir zorakılıq görməyib”,- O, deyib.

“Hakimiyyət və güc sahibi olanlar digər ölkələrə öz dövlət rejimini sırımağa çalışır. Bu bütün dünyanın problemidir”,- Mesiç deyib.

Xorvatiyanın eks- prezidenti həmçinin onu qeyd edib ki, Əl-Qaidə terror təşkilatı “Rusiyanı Əfqanıstanda sıxışdırmaq məqsədi olduğu zaman yaradılmışdı”.

“Lakin Əl- Qaidənin son məqsədi şəriət normalarını tətbiq etməkdirsə, İŞİD-in məqsədi dövlətin əsaslarını dağıtmaqdır”, -esk-prezident bildirib.

1news.az