Ərdoğanın Azərbaycana səfəri təxirə salınmayacaq

Daha əvvəl nəzərdə tutulan səfər təxirə salınsa da, Türkiyə Prezidentinin bu dəfəki səfəri gündəlikdədir.

"Paytaxt Ankara şəhərində terror törədilməsinə baxmayaraq, Türkiyə prezidenti Rəcəb Tayyib Ərdoğanın Azərbaycana martın 15-nə nəzərdə tutulan səfəri gündəlikdə qalır".

1news.az xəbər verir ki, bu barədə "Report"un sorğusuna cavab olaraq Türkiyənin Azərbaycandakı səfirliyindən bildirilib.

Xatırladaq ki, R.T.Ərdoğan Türkiyə-Azərbaycan Yüksək Səviyyəli Strateji Əməkdaşlıq Şurasının iclasında iştirak etmək üçün Azərbaycana fevralın 17-də gəlməli idi. Lakin həmin vaxt da Ankarada terror hadisəsi törədilmiş, nəticədə səfər təxirə salınmışdı.