Türkiyə prezidentinin cavab jesti: Ərdoğan İlham Əliyevi necə yola saldı – VİDEO – FOTO

Daha əvvəl xəbər verildiyi kimi Azərbaycan prezidenti İlham Əliyev Türkiyəyə səfər edib.

Səfər zamanı dövlət başçısı türk həmkarı ilə birlikdə Türkiyə-Azərbaycan Yüksək Səviyyəli Strateji Əməkdaşlıq Şurasının V toplantısında iştirak edib.

Xatırladaq ki, bu tədbirin Bakıda keçirilməsi planlaşdırılsa da, Ankarada baş verən qanlı terror aktı ilə əlaqədar olaraq Azərbaycan dövlət başçısı toplantının Türkiyənin paytaxtında keçirilməsini təklif edib. Bu davranış Türkiyə prezidenti tərəfindən həqiqi qardaşlıq münasibətinin ifadəsi kimi dəyərləndirilib.     

Türkiyə KİV-nin  verdiyi məlumata görə Türkivə və Azərbaycan arasındakı xüsusi münasibəti təsdiq edən səfərin sonunda prezident Rəcəb Tayyib Ərdoğan “Minnətdarlıq əlaməti və cavab jesti olaraq İlham Əliyevi təyyarəyə qədər yola salıb”.

Burada prezidentlər çay süfrəsi arxasında söhbət edib.

Xəbər verilir ki, Azərbaycan prezidentinin təyyarəsi havaya qalxana dək Ərdoğan Ankaranın Esenboğa Beynəlxalq Hava Limanını tərk etməyib.

1news.az