Rasim Musabəyov: “İki zidd səfər: Prezident Əliyevin Türkiyəyə və Sarkisyanın Rusiyaya səfəri”
Ankarada baş verən növbəti qanlı terror aktına görə tərəflər arasında Bakıda keçirilməsi planlaşdırılan Türkiyə-Azərbaycan Yüksək Səviyyəli Strateji Əməkdaşlıq Şurasının V toplantısı təxirə salınmadı. Prezident İlham Əliyevin təşəbbüsü ilə toplantı Ankarada keçirildi və Azərbaycan lideri buraya gəldi.
Türkiyə və bütün dünya bunu qardaş dövlətlərin sarsılmaz müttəfiqliyinin nümayişi kimi qəbul etdi.
Dünya və regiondakı vəziyyətlə bağlı məshəhətləşmələrdən əlavə tərəflər bir sıra müqavilələr imzaladı, TANAP TransAnadolu qaz- boru kəmərinin reallaşdırılmasının sürətləndirilməsi və ilin sonuna qədər Bakı-Tbilisi- Qars dəmir yolu çəkilişinin başa çatdırılması ilə bağlı razılıq əldə olundu.
Bu çoxmilyardlı layihə nəinki region üçün, o cümlədən bütün dünya üçün mühüm əhəmiyyətə malikdir.
Qarşıya qoyulan vəzifə hərbi qüvvələrin inteqrasiyası, qarşıdakı illərdə azərbaycan-türk iqtisadi münasibətlərinin həcmini 20 milyard dollara çatdırmaqdır.
Prezident İlham Əliyev Ankarada yüksək hörmət və istiqanlılıqla qarşılandı. Bunu nümayiş etdirən cəhətlərdən biri də Türkiyə prezidenti Ərdoğanın azərbaycanlı həmkarını protokol qaydalarından kənara çıxaraq təyyarə keçidinə qədər yola salması oldu.
Yaxın günlərdə prezident Sarkisyanın Moskva səfərinə gəlincə, Rusiya və Ermənistan KİV-in yazdığına görə Sarkisyan əliboş qayıdıb və Rusiya rəhbərliyi qarşısında qaldırdığı heç bir məsələ ilə bağlı müsbət cavab almayıb.
Ermənilərə nə kredit, nə investisiya, nə də təbii qazın qiymətlərinin aşağı salınması ilə bağlı söz vermədilər. Atom Elektrik Stansiyasının tikintisi haqqında ümumiyyətlə danışmağa imkan verilmədi. Prezident Putin tarix muzeyində erməni sərgisinin açılması ilə bağlı Sakisyanın yaltaq dəvətini nəinki qulaqardı etdi, hətta öz “sadiq” vassalı ilə nahar, yaxud şam yeməyini belə uyğun görmədi.
Azərbaycan prezidentinin müttəfiq ölkə Türkiyəyə səfəri ilə, yüngül mənada Rusiyanın “fortpostu” adlandırılan Ermənistanın prezidentinin həmin ölkəyə səfəri arasındakı ziddiyyət aşkar görünür və əlavə şərhə ehtiyacı yoxdur.
