AŞPA sədri: "Azərbaycandakı əfv təşəbüsünü alqışlayıram"
"Mənə xoş bir xəbər verdilər ki, bu gün Azərbaycanda 148 nəfər həbsdən azad olunub", -deyə AŞPA sədri Pedro Aqramunt Azərbaycan Prezidentinin həbs olunan bəzi insanların əfvi ilə bağlı sərəncamına münasibət bildirib.
Aqramunt əfv olunanlar sırasında Anar Məmmədli, Rəsul Cəfərov, Takeh Xasməmmədov, Nemət Pənahlı, həmçinin NİDA hərəkatının bəzi üzvləri, siyasətçilər Tofiq Yaqublu, Yadigar Sadiqov və Sirac Kərimov, jurnalistlər Pərviz Həşimli, Xəlil Məmmədov da olub.
BUnunla yanaşı, Aqramunt jurnalist Rauf Mirqədirovun da bu gün azadlığa buraxılması faktını müsbət qarşılayıb.
Xatırladaq ki, cümə axşamı, 17 mart 2016-cı il tarixində hakim Abid Abdinbəyovun sədrliyi ilə keçən məhkəmədə jurnalistin appelyasiya şikayəti təmin edilib və R.Mirqədirovun cəzası 5 il şərti azadlıqdan məhrum etmə ilə əvəz olunub. Daha əvvəl ona 6 il müddətinə cəza təyin olunmuşdu.
"Bu ayın əvvəlində mən Bakıda oldum və ölkə prezidenti, parlament spikeri, xarici işlər naziri ilə görüşdüm. Məni əmin etdilər ki, yaxın zamanlarda iri miqyaslı əfv olacaq. Sevinirəm ki, bu verilən vədlərə əməl olundu", - AŞPA rəhbəri bildirib. Bu haqda Assambleyanın saytında məlumat yerləşdirilib.
O, bildirib ki, "bu təşəbbüsü alqışlayır" və azərbaycanın rəsmi şəxsləri ilə fəaliyyəti davam etdirəcək.
Xatırladaq ki, cümə axşamı, 17 mart tarixində Azərbaycan Respublikası Prezidenti 148 nəfər məhkumun əfv olunması haqqında sərəncam imzalayıb. Həmin şəxslərdən 137-si azadlıqdan məhrumetmə cəzasının qalan hissəsindən, 6-sı islah işlərindən, 5 nəfər isə cərimə ödənilməsi cəzasından azad edilib.
Bu siyahıda olan 16 nəfər xarici ölkə vətəndaşıdır və azad olunan kimi ölkədən deportasiya olunub.
Əfvlə bağlı aktın qəbulu zamanı cinayətin ağırlığı, məhkumların cəmiyyət üçün nə dərəcədə təhlükəli olması, səhhəti və ailə vəziyyəti, cəzaçəkmə müəssisələrindəki davranışları nəzərə alınıb.
Əfv olunanlar sırasındakı 14 nəfərin azad olunması ilə bağlı hüquq-müdafiə təşkilatları vəsatət qaldırmışdı. Bura Akif Muradverdiyev, NİDA hərəkatının üzvləri :Rəşadət Axundov, Məmməd Əzizov, Rəşad Həsənov, Ömər Məmmədov, QHT funksionerləri: Rəsul Cəfərov, Anar Məmmədli, Taleh Xasməmmədov, jurnalistlər: Pərviz Həşimov, Hilal Məmmədov, siyasi partiya üzvləri: Sirac Kərimli, Nemət Pənahlı, Yadigar Sadiqov və Tofiq Yaqubov daxildir.
Sərəncam imzalandığı gündən qüvvəyə minir.
Tam siyahı ilə keçiddə tanış olma mümkündür.
1news.az
