Nazir müavini: “Azərbaycan rəhbərliyinin həyata keçirdiyi islahatlar beynəlxalq təşkilatlar tərəfindən nəzərə alınacaq”
“Sahibkarlıq fəaliyyəti ilə bağlı lisenziyaların ixtisarı, həmçinin sahibkarlıq subyektlərinin yoxlanılmasının 2 il müddətinə təxirə salınması biznes-mühitə müsbət təsir göstərəcək və bu, sözsüz ki, Beynəlxalq MaliyyəTəşkilatları (BMT) tərəfindən yüksək qiymətləndiriləcək”.
1news.az-ın verdiyi xəbərə görə, bu haqda jurnalistlərə Dünya Bankının (DB) özəl sektorun inkişafı üzrə ekspertlərinin iştirakı ilə Azərbaycanın iqtisadiyyat nazirinin müavini Sahib Məmmədov Bakıda keçirilən seminar zamanıbildirib.
Seminar Azərbaycanın İqtisadiyyat Naziriliyi tərəfindən təşkil olunub və Doing Business reytinqinin formalaşma metodologiyasında yeni dəyişikliklərə həsr olunub. Həmçinin seminar hər il DB və Beynəlxalq Maliyyə Korporasiyası (İFC) tərəfindən hazırlanır.
Onun sözlərinə görə, Azərbaycanda biznes-mühitin yaxşılaşdırılması, sahibkarlığın inkişafı
ilə bağlı islahatlar sözsüz ki, BMT tərəfindən 2017-ci ildə yeni Doing Business reytinqinin hazırlanması üçün nəzərə alınacaq.
Bununla yanaşı, nazir müavini qeyd etdi ki, 2016-cı ildə Azərbaycanda Doing Business mövqeyinin yüksəlməsi Prezident İlham Əliyevin uğurlu iqtisadi siyasətinin nəticəsidir.
“Azərbaycan rəhbərliyi tərəfindən həyata keçirilən və sahibkarlığın inkişafına istiqamətlənmiş islahatlarölkədə biznes-mühitin yaxşılaşdırılmasına imkan yaradacaq. Buna görə də 2016-cı ildə Azərbaycan Doing Business reytinqində 2015-ci illə müqayisədə 80-ci yerdən 63-cüyəqalxaraq 17 pillə irəliləyib”, - S.Məmmədov deyib.
Xatırladaq ki, Azərbaycan 2016-cı ildə Doing Business reytinqində yüksək mövqelər tutub. Belə ki, Azərbaycanda əlverişli sahibkarlıq fəaliyyətininşəraiti ilə əlaqədar hesabatda ölkə 100 ballıq sistemdən 67,8-ni toplayaraq 63-cü yerə sahib olub.
2015-ci ilin reytinqində respublika 80-ci, 2014-cü ildə isə 70-ci yerdə qərarlaşmışdı.
Beləliklə, Azərbaycan 2015-ci ildəki enişini tamamilə qazanaraq Doing Business reytinqində dərhal 17 pillə irəliləyib. Ölkənin biznesin təşkili ilə bağlı əlverişli şərait indeksi 10 indikator üzrə orta göstərici təşkil edir.
1news.az
