Ermənistan rəsmisi: “Ermənistan və Azərbaycan prezidentlərinin görüşü barədə qərar yoxdur”
"Ermənistan və Azərbaycan prezidentlərinin Vaşinqtonda mümkün görüşü barədə qərar yoxdur".
1news.az-ın APA-ya istinadla verdiyi xəbər görə, bu barədə armenpress.com saytı məlumat yayıb.
Məlumata görə, bunu Ermənistanın hakim Respublika Partiyasının sözçüsü, parlamentin sədr müavini Eduard Şarmazanov deyib:
“Ermənistan prezidenti Vaşinqtona səfər edəcək. Media prezident administrasiyası tərəfindən məlumatlandırılacaq, lakin hər hansı görüş barədə məlumatlı deyilik. Belə qərar yoxdur və hətta belə müzakirə də olmayıb”.
Qeyd edək ki, Azərbaycan və Ermənistan prezidentləri martın 31-də Vaşinqtonda keçiriləcək Nüvə Təhlükəsizliyi Sammitində iştirak edəcəklər. Prezidentlərin mümkün görüşü barədə daha əvvəl Ermənistanın “Aykakan Jamanak” nəşri məlumat yaymışdı.
1news.az
