Milli Məclisdə Azərbaycanda ekstremal, sağlamlıq və məktəb turizminin inkişaf etdirilməsi təklif olunub
Martın 30-da Milli Məclisin Əmək və sosial siyasət komitəsinin iclasın zamanı deputatlar “Turizm haqqında” qanun layihəsini müzakirə ediblər.
1news.az-ın verdiyi xəbərə görə, iclasda çıxış edən komitə sədri Hadi Rəcəbli qeyd edib ki, turizm sahəsinin inkişafı çox əhəmiyyətlidir, bu da yeni iş yerlərinin açılmasına gətirib çıxara bilər.
H.Rəcəblinin sözlərinə görə, “Turizm haqqında” qanunAzərbaycanda 1999-cu ildə qəbul edilib və buna görə də indi onu dəyişməyin vaxtı çatıb.
“Qanun layihəsinin hazırlanmasında İşçi Qrupunun bu sahədə çoxlu miqdarda materiallar toplaması böyük rol oynayıb. Qanun layihəsinin hazırlanması zamanı xarici ölkələrin təcrübəsindən də istifadə olunub”, - deyə o, bildirib.
H.Rəcəbli qeyd edib ki, “Turizm haqqında” qanun 87 bənddən ibarətdir.
Komitə sədr həmçinin bildirib ki, Azrəbaycanda turzimin inkişafı üçün böyük potensial var:
“Respublikada 223 turist muzeyi, 6300 tarixi abidə və 27 qoruq var”.
Deputat eyni zamanda, ekstremal, sağlamlıq və məktəb turizminin inkişaf etdirilməsinin vacibliyini də vurğulayıb.
Qeyd edək ki, “Turizm haqqında” qanunAzərbaycan Respublikasının vahid turizm bazarının hüquqi əsaslarla yönəlmiş dövlət siyasətinin prinsiplərini təyin edir. Həmçinin Azərbaycan, əcnəbi və vətəndaşlığı olmayan şəxslərin istirahət, fəaliyyət azadlığı və səyahət zamanı ortaya çıxan çətinliklərini tənzimləyir. Bundan əlavə, “Turizm haqqında” qanun turist ehtiyatlarının səmərəli şəkildə istifadə etməyə də imkan verir.
1news.az
