Əli Həsənov: “Ermənilər dünyada mövcud olmayan faktları yayırlar”
1918-ci il mart hadisələrinin öyrənilməsi və gələcək nəsillərə çatdırılması bizim vətəndaşlıq borcumuzdur.
1news.az-ın məlumatına görə, bu sözləri Ermənistanın Azərbaycana təcavüzü və ərazi iddiaları ilə bağlı kitabların təqdimatında çıxış edən Azərbaycan prezidentinin ictimai-siyasi məsələlər üzrə köməkçisi Əli Həsənov deyib.
Qeyd edək ki, Beynəlxalq Muğam Mərkəzində Elmin İnkişaf Fondu tərəfindən keçirilən ikinci müsabiqənin qalibləri - Ermənistanın Azərbaycana təcavüzü və ərazi iddialarına həsr olunan kitabların təqdimatı keçirilib.
Tədbirdə Elçin Əhmədovun yazdığı üçcildli “Ermənistanın Azərbaycana təcavüzü” və millət vəkili Musa Qasımlının “Ermənistanın sovetləşməsi dövründən Azərbaycan ərazilərinin işğalına qədərki dövrdə ermənilərin iddiaları: tarix olduğu kimi, 1920-1994-cü illər” adlı monoqrafiyası təqdim olunub.
Ə.Həsənovun sözlərinə görə, bu kitabların yazılması, onların yayılması, xarici dillərə tərcümə edilməsi və nəşri mühüm əhəmiyyət kəsb edir:
“Son 200 ildə ermənilər davamlı olaraq Azərbaycan xalqına qarşı soyqırımı, azərbaycanlıların doğma torpaqlarından qovulması siyasəti, qanlı aksiyalar həyata keçiriblər”.
Mart hadisələrindən danışan Ə.Həsənovbildirib ki, ermənilər öz siyasi məqsədlərinə çatmaq üçün dinc azərbaycan xalqına qarşı qırğınlar törədiblər. Mat hadisələri zamanı ermənilər Bakıda və regionlarda on minlərlə günahsız azərbaycanlı öldürülüb.
Ə.Həsənov 1992-ci ilin fevralında Ermənistanın silahlı qüvvələrinin Xocalıda dinc azərbaycanlılara qarşı da qırğınlar törətdiklərini xatırladaraq qeyd edib ki, ermənilərin azərbaycanlılara qarşı törətdikləri qırğınların dünya ictimaiyyətinə çatdırılması sahəsində son vaxtlar Azərbaycanın yürütdüyü siyasət öz müsbət nəticəsini verməkdədir. Belə ki, artıq bir sıra xarici ölkələrdə Xocalı soyqırımının tanınması ilə bağlı müxtəlif qətnamələr qəbul edilib.
Ermənilərin həqiqətə uyğun olmayan faktları, uydurulmuş hadisələri yaydıqlarını və dünya ictimaiyyətinə təqdim etdiklərini deyən Ə.Həsənovun sözlərinə görə, ermənilər azərbaycana qarşı törətdikləri hadisələrin fotolarını və videolarını özlərininki kimi dünyaya çatdırmağa çalışırlar.
Prezidentin ictimai-siyasi məsələlər üzrə köməkçisi qeyd edib ki, bununla da ermənilər özlərini daim təcavüzə və zorakılığa məruz qalan xalq kimi tanıtmaq istəyirlər:
“Lakin tarixçilər, dünya siyasətçiləri onların əsl simalarını yaxşı tanıyırlar. Biz həqiqətləri dünya ictimaiyyətinə çatdırmaq istəyirik. Biz kiminsə bizə ermənilərdən qisas almağa kömək etməsini tələb etmirik. Biz qisas hissi ilə yaşamırıq, əksinə, istəyirik dünya ictimaiyyəti bilsin ki, tarixdə bu cür hadisələr bir də təkrarlanmasın”.
Ə.Həsənov Ermənistanı özünün müttəfiqi etmək istəyən dövlətlərə də səslənərək onları təcavüzkar bir ölkə ilə tətərdaşlıq əlaqələri qurmağın mümkünlüyü barədə düşünəyə çağırıb.
1news.az
