Nazir müavini: “Bütün məsuliyyət Ermənistanın üzərindədir”
Ermənistanın əsas məqsədi işğal olunmuş əraziləri və Azərbaycan tərəfi üçün qəbulolunmaz status-kvonu saxlamaqdır.
Bunu bugünki çıxışında Azərbaycan xarici işlər nazirinin müavini Xələf Xələfov bildirib.
“Bütün məsuliyyət Ermənistanın üzərindədir. Məhz Ermənistan Dağlıq Qarabağ münaqişəsinin sülh yolu ilə həllində maraqlı deyil, beynəlxalq hüquq qaydalarına əməl etmir və BMT Təhlükəsizlik Şurasının qətnamələrini yerinə yetirmir”,- o, deyib.
Qeyd edək ki, Xələf Xələfov 05 aprel tarixində Xəzər dənizinin hüquqi statusu ilə bağlı Konvensiyanın hazırlanması üzrə xüsusi işçi qrupun 44-cü toplantısında iştirak edir. Bakıda iki gün davam edəcək toplantıya 5 xəzəryanı dövlətin xarici işlər nazirlərinin müavinləri qatılıb.
Toplantının açılışında Xələfov çıxış edərək qeyd edib ki, 44-cü İşçi qrup Azərbaycan üçün çox mürəkkəb bir zamanda keçirilir.
Münaqişə zonasındakı son hadisələri şərh edən Xələfov bildirib ki, Azərcaycan tərəfi dinc əhalinin müdafiəsi üçün əlindən gələni edir.
Aprelin 1-dən 2-nə keçən gecə Dağlıq Qarabağda münaqişəsi olan sərhəd bölgəsində vəziyyət kəskinləşib: erməni silahlı qüvvələri Azərbaycanın təmas xəttinə yaxın ərazilərdəki yaşayış məntəqələrin artilleriya atəşinə tutub.
Azərbaycan ordusunun cavab əməliyyatları nəticəsində bir neçə ərazidə Erməni silahlı qüvvələrinin müdafiə xətti qırılıb, bir neçə strateji yüksəklik və yaşayış məntəqəsi üzərində nərazət ələ keçirilib.
1news.az
