Bəhram Bağırzadə eyvanlardan Azərbaycan bayrağını asmağa çağırış etdi - FOTO

“Bakılı oğlanlar” komandasının üzvü, yazıçı və jurnalist Bəhram Bağırzadə feysbuk səhifəsində Azərbaycan xalqına çağırış edib.

Onun xalqa müraciətini heç bir dəyişiklik etmədən sizə təqdim edirik.

“İndi elə bir zaman gəlib ki, Azərbaycan xalqı daha yüksək birlik nümayiş etdirməlidir!!” Cəbhədən gələn qələbə xəbərləri vətəndaşlarımızın vətənpərvərlik ruhunu artması çox sevindiricidir!!! Azərbaycan xalqının iradə gücü, vətənpərvərlik və Vətənə sevgi hisslərini nümayiş etdirməsi əsgərlərimizi yeni qələbələrə ruhlandırmaya bilməz, biz onlar üçün hər gün dua edirik!!  Azərbaycan əsgərinə eşq olsun!

Bizim vətəndaş olaraq borcumuz indi ön cəbhədə olan hərbçilərimizi dəstəkləməkdir. Mənə sizin dəstəyiniz lazımdır!! Təklif edirəm ki, sabahdan etibarən evlər, eyvanlar, ofislər və bütün inzibati binalardan Azərbaycan Respulikasının bayrağı asılsın!!! Yalnız birlik və bir-birinə dəstək nəticəsində Azərbaycan xalqı öz torpaqlarından düşməni çıxara biləcək  in şa Allah!!!

Böyük qələbənin zamanı gəldi!!! Azərbaycan xalqının qələbəsinin!!! Bu gün özümüzün yazdığımız yeni tarixin şahidiyik!!!

Əgər indi birliyimiz olmasa, nə zaman olacaq?!!

1news.az