Müdafiə Nazirliyi: Ermənistan KİV-nin yaydığı məlumatlardan istifadə etməyin

Ermənistan kütləvi informasiya vasitələrində cəbhəboyu zonada baş verən hadisələrlə bağlı bir-birinin ardınca yalan məlumatlar yayılmaqda davam edir.

1news.az-ın Müdafiə Nazirliyinin mətbuat xidmətinə istinadən verdiyi xəbərə görə, cəbhədə baş verən hadisələr haqqında mütəmadi olaraq nazirliyin rəsmi internet səhifəsində məlumatlar yerləşdirilir.

“Ermənistan KİV-nin yaydığı məlumatlardan istifadə etməməyi tövsiyə edirik. Çünki onların məlumatları yalandır, şayiədir və real vəziyyəti əks etdirmir”- deyə, Müdafiə Nazirliyindən bildirilib.

1news.az