Müdafiə Nazirliyi: Azərbaycanın minlərlə vətənpərvər oğul və qızları Silahlı Qüvvələrə səfərbər olmağa hazır olduqlarını bildiriblər

"İşğal altında olan torpaqlarımızın azad edilməsi məqsədilə bölmələrimizin son günlərdə keçirdiyi hərbi əməliyyatlarda iştirak etmək üçün Azərbaycanın minlərlə vətənpərvər oğul və qızları, xaricdə yaşayan soydaşlarımız, ehtiyatda olan hərbi qulluqçular, müharibə əlilləri və veteranları müraciət ünvanlayaraq Silahlı Qüvvələrə səfərbər olunmağa hazır olduqlarını bildirirlər".

Bu barədə 1news.az nazirliyin mətbuat xidmətinə istinadla xəbər verir.

Açıqlamada həmçinin bildirilir ki, Müdafiə Nazirliyinin rəhbərliyi Azərbaycanda, eyni zamanda respublikadan kənarda yaşayan vətənpərvər oğul və qızlarımızla qürur duyduğunu bildirir və əsgərlərimizə göstərilən mənəvi dəstəyə görə minnətdarlığını ifadə edir.

1news.az