Ermənistan silahlı qüvvələrinin bölmələri tərəfindən atəşkəs yenə də pozulmaqdadır
Moskva şəhərində Azərbaycan və Ermənistan silahlı qüvvələrinin baş qərargah rəisləri arasında hərbi əməliyyatların dayandırılmasına dair əldə edilmiş razılaşmaya baxmayaraq Ermənistan ordusunun bölmələri tərəfindən atəşkəs yenə də pozulmaqdadır.
1news.az-ın Müdafiə Nazirliyinə istinadən verdiyi xəbərə görə, hazırda Goranboy rayonunun Tapqaraqoyunlu yaşayış məntəqəsi yaxınlığındakı mövqelərimiz 60, 82 və 120 millimetrlik minaatanlardan intensiv olaraq atəşə tutulur.
Azərbaycan tərəfi razılaşmaya əməl edərək hələ ki, cavab atəşi açmır.
Qeyd edək ki, aprelin 1-dən 2-nə keçən gecə erməni silahlı qüvvələri atəşkəsi pozaraq Ordumuzun mövqelərini müxtəlif silahlardan atəşə tutmağa başlayıblar. Buna cavab olaraq Silahlı Qüvvələrimiz əks hücuma keçib və düşmənə ağır zərbələr vurub. Nəticədə düşmənin xeyli sayda hərbi texnikası və canlı qüvvəsi məhv edilib.
Aprelin 5-də saat 12.00-dan etibarən isə Azərbaycan-Ermənistan qoşunlarının təmas xəttində tərəflərin razılığı ilə əməliyyatlar dayandırılıb. Buna baxmayaraq ermənilər atəşkəsi pozamaqda və mövqelərimizə zərbələr endirməkdə davam edirlər.
1news.az
