Bakıda iki sərnişin avtobusu toqquşub: ölən və xəsarət alanlar var - FOTO
Bakıda iki sərnişin avtobusu toqquşub.
1news.az-ın məlumatına görə, hadisə bu gün Nizami rayonu ərazisində “Diqlas” ticarət mərkəzinin qarşısında qeydə alınıb.
103 və 30 saylı xətt marşrutu üzrə hərəkət edən sərnişin avtobuslarının toqquşması nəticəsində ölən və yaralananların olduğu bildirilir.
Qəza nəticəsində 60 yaşlı qadın – Jitova Svetlana Yuriyevna dünyasını dəyişib, 9 nəfər isə xəsarət alıb. Onlardan 7 nəfəri 3 saylı Şəhər Klinik Xəstəxanaya, 2 nəfəri isə Travmatologiya İnstitutuna yerləşdirilib.
Qəzada ölən qadının və xəsarət alanlardan bəzilərinin kimliyi açıqlanıb. 3 saylı Şəhər Klinik Xəstəxanasından verilən xəbərə görə, qəza nəticəsində Qurbanov Abbas, Əliyeva Mehri, Qurbanova Tamella, Kərimova Gülmərcan, Zeynalova Gövhər, Ağamirzəyeva Əzizə və naməlum kişi xəsarət alıb.
1news.az
FOTO-APA
