Polislər oğurluq edən şəxsdən narkotik maddə tapdılar

Polis əməkdaşları oğurluq etdiyi üçün saxlanılan şəxsin üzərindən narkotik maddə tapıblar.

1news.az-ın verdiyi xəbərə görə, bu barədə Daxili İşlər Nazirliyindən məlumat verilib.

Məlumata görə, Sabunçu polisinin həyata keçirdiyi əməliyyat-axtarış tədbirləri nəticəsində cari il martın 22-dən aprelin 4-dək olan müddətdə Bakı şəhər sakinləri Samir Qurbanlıya, Ceyhun Qasımzadəyə və Oruc Bayramova məxsus evlərdən pul, qızıl və məişət əşyaları oğurlamış paytaxt sakini Seymur Mirzəyev tutulub.

Üzərinə baxış keçirilən zaman ondan 0,379 qram heroin götürülüb.

1news.az