“Nadir şah Əfşar: diplomatik yazışmalar” toplusunun türk dilində nəşrinin təqdimat mərasimi olub - FOTO

Bu gün Bakı Avrasiya Universitetində Cahangir Hüseyn Əfşarın “Azərbaycan Nadir Əfşar dövləti” və “Nadir şah Əfşar: diplomatik yazışmalar” toplusunun türk dilində nəşrinin təqdimat mərasimi olub.

Kitaba daxil olan “Nadir şah Əfşar: diplomatik yazışmalar” adlı sənədlər toplusunun elmi redaktoru və ön sözünün müəllifi Azərbaycan Respublikası Prezident Administrasiyasının rəhbəri, akademik Ramiz Mehdiyevdir.

1news.az-ın verdiyi xəbərə görə, kitabın müəllifi Cahangir Hüseyn Əfşar əsər haqqında məlumat verərək kitabda Azərbaycan Əfşar dövlətinin əsasını qoymuş Nadir şah Əfşarın şəxsi həyatı, bir dövlət xadimi olaraq xarici və daxili siyasəti, sərkərdəlik fəaliyyəti, hərbi yürüşləri, ordu quruculuğundan bəhs edib.

Qeyd edək ki, kitab Nadir şahın 325 və Əfşar dövlətinin 280 illiyinə həsr olunub. Kitabın Azərbaycan dillındə ilk nəşri 2014-cü ildə çap edilib.

Tədbirdə Azərbaycan tarixinin Nadir şah dövründən bəhs edən film də nümayiş etdirilib. Sonda kitabla bağlı çıxışlar dinlənilib.

Xəbər yenilənəcək

1news.az

FOTO: AZƏRTAC

Mövzu ilə əlaqədar oxuyun:

İstanbulda “Azərbaycan Nadir şah Əfşar dövləti” kitabının təqdimat mərasimi keçirilib