Quba sakini kanalda batıb

Quba rayonunda bədbəxt hadisə baş verib.

1news.az-ın verdiyi xəbərə görə, Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Quba rayonu, Barlı qəsəbəsi Samur-Dəvəçi kanalında 1 nəfərin batması barədə məlumat daxil olub.

Dərhal nazirliyin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunaraq vətəndaşın axtarışına başlayıblar.

Qeyd edək ki, axtarışın nəticəsi ilə bağlı əlavə məlumat veriləcək.

1news.az