Novruz Məmmədov: "Ermənistan rəhbərliyi sağlam düşüncədən məhrumdur”
Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov BMT Sivilizasiyalar Alyansının VII Qlobal Forumunun Bakıda keçirilməməsilə bağlı ermənilərin çağırışına münasibət bildirib.
“Ermənistan rəhbərliyinin sağlam düşüncədən məhrum olması artıq heç bir şübhə doğurmur” – bu haqda o, Facebook sosial şəbəkəsində qeyd edib:
“Gör nə dərəcədə həyasız olub ki, Azərbaycanı beynəlxalq hüququn fundamental prinsiplərini pozmaqda günahlandırır. BMT Sivilizasiyalar Alyansının Qlobal Forumunu keçirməməyə çağırır. Ermənistan rəhbərliyi karvanla bağlı bir atalar sözünü yaxşı bilə-bilə bu addımı atır. Hərbi təcavüz nəticəsində qonşu dövlətin ərazisini 25 ildən artıqdır ki, işğal altında saxlamağı beynəlxalq hüquqa aid etmir.
Baxmayaraq ki, dünyada BMT-nin Təhlükəsizlik Şurasından tutmuş elə bir qurum, təşkilat yoxdur ki, bu işğalı beynəlxalq hüququn pozulması hesab etməsin. Amma hakimiyyət girovuna çevrilmiş Ermənistan rəhbərliyi əslində burnunun ucundan o tərəfə heç nəyi görə bilmir. Bu dərəcədə həyasız olmağa səbəb isə arxalarında bəzi ölkələrdə bəzi dairələrin dayanmasıdır. Dünyada indiki gərginliyin olduğu dövrdə belə addımlarla Ermənistan rəhbərliyi ölkəsinin və xalqının rifahını və firavanlığını heç vaxt təmin edə bilməyəcək”.
Qeyd edək ki, aprelin 25-27 tarixlərində Azərbaycanda BMT Sivilizasiyalar Alyansının VII Qlobal Forumu keçiriləcək.
Daha əvvəl Ermənistan XİN-i Bakıda VII Qlobal Forumun keçirilməməsilə bağlı çağırış bəyan etmişdi.
XİN öz bəyanatında qeyd edib ki, aprelin 2-si səhər tezdsən başlayaraq Azərbaycan Dağlıq Qarabağda aqressiv hücumlar edərək bununla da, Azərbaycanla Ermənistan arasında 1994-cü ildə imzalanan atəşkəs haqda razılşamanı pozub.
Xatırladaq ki, aprelin 2-dən 5-nə kimi Azərbaycan-Ermənistanqoşunların təmas xəttində atəşkəs müqaviləsi imzalandıqdan indiyədək son 22 ilin ən irimiqyaslı döyüşləri baş verdi. Azərbaycan Silahlı Qüvvələri tərəfindən erməni silahlı qüvvələrinin ilk müdafiə xətti aşıldı və bir sıra strateji yüksəkliklər, həmçinin yaşayış məntəqələri üzərində nəzarət ələ keçdi.
Aprelin 5-də saat 12:00-dan etibarəntəmas xəttində hərbi əməliyyatlar dayandırılıb.
Mövzu ilə əlaqdar oxuyun:
XİN sübutlar təqdim edib: 2 apreldə hücum edən tərəf Ermənistandır
1news.az
