Bakıda iki yolda avtomobillərin hərəkəti qismən məhdudlaşdırılacaq
Avtonəqliyyat vasitələrinin hərəkətinin tənzimlənməsi məqsədilə Tağıyev-Sahil və Masazır-Novxanı avtomobil yollarında yol cizgi və yol göstərici xətlərinin, həmçinin piyada zolaqlarının rənglənməsi, zəruri olan yerlərdə isə əyri xətli dəmir tirlərin dəyişdirilməsi işləri aparılacaq.
“Azəravtoyol” ASC-nin mətbuat katibliyindən 1news.az-a verilən məlumata görə, işlər aprelin 26-da səhər saat 10:00-dan başlanacaq və axşam saat 17:00-dək davam edəcək. Bu müddət ərzində avtomobillərin hərəkəti qismən məhdudlaşdırılacaq.
Adı çəkilən avtomobil yollarında sıxlığın yaranmaması üçün sürücülərdən xahiş olunur ki, mümkün qədər hərəkət istiqamətlərinə uyğun alternativ yollar seçsinlər.
1news.az
469
