BİTK – sərfəli qiymət-keyfiyyətli təhsil - FOTO
Bakı İstedadlar Təhsil Kompleksi (BİTK) 2016/2017-ci tədris ili üçün məktəbəqədər hazırlıq və orta məktəb təhsili üçün sənəd qəbulu elan edir.
BİTK-ə qeydiyyat 14 may 2016-cı ilədək davam edəcək. Qəbul imtahanı mayın 14-də saat 10:00-da BİTK-də keçiriləcək. Ətraflı məlumat almaq və onlayn qeydiyyat üçün BİTK-in internet səhifəsindən (btec.az) istifadə etmək mümkündür.
Eləcə də, valideyn öz şəxsiyyət vəsiqəsi və övladının şəxsiyyət vəsiqəsini məktəbin qəbul komissiyasına təqdim etməklə qeydiyyatdan keçə bilər.
BİTK-ə qəbul aşağıdakı yaş qrupları üzrə aparılır:
- Məktəbəqədər hazırlıq bölməsi (3-5 yaş)
- İbtidai sinif (5-11 yaş) - 1-6-cı siniflər
- Yuxarı sinif (11-18 yaş) - 7-11-ci siniflər.
Ətraflı məlumat üçün BİTK-in saytına (btec.az) və aşağıdakı əlaqə nömrələrinə (bazar ertəsi-cümə günləri, saat 7:30-dan 16:30-dək) müraciət edə bilərsiniz:
Tel:+ 99 412 521-00-00 (daxili: 48-567)
Mob: +99 450 257-50-13
Mob: + 99 450 257-50-11
Email: [email protected]
Məlumat üçün qeyd edək ki, BİTK SOCAR-ın maliyyə dəstəyi ilə yaradılmış Azərbaycan Beynəlxalq Təhsil Mərkəzinin (ABTM) təsis etdiyi və maliyyələşdirdiyi layihələrdən biridir. Artıq 4 tədris ili ərzində uğurlu fəaliyyət yolu keçmiş BİTK-in əsas məqsədi şagirdləri keyfiyyətli təhsillə təmin etməkdir və bunun üçün kompleksdə bütün imkanlar yaradılıb. BİTK Britaniya kurrikulumu və bir çox beynəlxalq sertifikatlara malik proqramı ilə övladınızın təhsil ehtiyaclarını təmin edir. Şagirdlərimiz Britaniya kurrikulumunun tələb etdiyi və ingilis dilində tədris olunan bütün fənnlərlə yanaşı, Azərbaycan dili, ədəbiyyatı, tarixi, coğrafiyası fənnlərini də Azərbaycan dilində tədris olunur. Dərslər xüsusi seçilmiş əcnəbi və yerli müəllimlər tərəfindən tədris olunur. Cari ilin iyul ayından etibarən 10-a yaxın azərbaycanlı müəllimimiz Britaniyanın Notinqem Univeristetində beynəlxalq ixtisaslı dərəcə almaq və tədris keyfiyyətlərini (PGCEi) artırmaq üçün təlim alacaq. Bu da öz növbəsində BİTK-də təhsilin keyfiyyətinə müsbət təsir edəcək. Fəaliyyətdə olduğu dövr ərzində BİTK Britaniya Məktəblər Şurası (COBIS), Cambridge International Examinations, Edexcel, ECIS kimi qurumların sertifikatlarına layiq görülüb.
BİTK təhsilin keyfiyyətinin yüksəldilməsi istiqamətində fəaliyyətini davam etdirməkdədir. Qısa zaman ərzində ölkəmizin aparıcı beynəlxalq məktəblərindən birinə çevrilmiş BİTK-də yeni tədris ilində təhsilin elektron idarəetmə sistemi istifadəyə veriləcək. Bu sistem vasitəsilə valideyn-müəllim-administrasiya-şagird əlaqələri, təhsilə nəzarət keyfiyyətcə yeni mərhələyə yüksələcəkdir.
20162017-ci tədris ilindən etibarən SOCAR, əvvəllər bəyan etdiyi prinsiplərə uyğun olaraq istedadlı şagirdlərin təhsilini tam və ya qismən maliyyələşdirməyi öz öhdəsinə götürür. Bu o deməkdir ki, Kompleksin tədris prosesində yüksək nəticələr əldə edən şagirdlərin təhsil haqlarının ödənilməsi üçün 100%, 70%, 50%, 40% və 20% həcmində təqaüdlər SOCAR tərəfindən ödəniləcəkdir. Təqaüdün verilməsi müstəqil beynəlxalq qiymətləndirmənin və daxili qiymətləndirməyə əsasən həyata keçiriləcək.
BİTK beynəlxalq standartlara cavab verən zəngin kitabxana, sinif otaqları, kompüter otaqları, laboratoriyalar, tibb məntəqəsi, geniş teatr və musiqi zalı, yeməkxana, üzgüçülük hovuzu, idman meydançaları ilə övladınıza keyfiyyəti təhsil verməklə yanaşı, daim valideyn məmnuniyyətini və maraqlarını nəzərə alıb.
BİTK “Sərfəli qiymət-Keyfiyyətli təhsil” şüarı ilə bundan sonra da Azərbaycanın gələcəyi olan övladlarınızın xidmətində durmaqdan qürur duyur.
