Zaqatalada poçt şöbəsindən oğurluq edən şəxslər tutulub

Ötən gün Zaqatalada yerləşən poçt şəbələrinin birindən oğurluq edən şəxslər saxlanılıb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, Zaqatala Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində aprelin 27-də Muğanlı kənd poçt şöbəsindən içərisində 480 manat pul, ödəniş qəbzləri, möhür və sənədlər olan seyfi oğurlamış kənd sakini Mustafa və Balakən rayon sakini Vüsal Albuşov tutulublar.

1news.az