“Azərbaycanın ən zəkalı bir incisi” adlı bilik olimpiadasına qeydiyyat başlayıb
“Galaxy Group” Təhsil Mərkəzi, Azərbaycan Respublikasının Prezidenti yanında Bilik Fondu, Azərbaycan Tələbə Gənclər Təşkilatları İttifaqı (ATGTİ) və Bakı Beynəlxalq Multikulturalizm Mərkəzinin birgə təşkilatçılığı ilə mayın 28-də respublikamızın dövlət və özəl ali məktəblərinin I, II və III kurs tələbələri arasında “Azərbaycanın ən zəkalı bir incisi” adlı bilik olimpiadası keçiriləcək.
1news.az-a ATGTİ-dən verilən xəbərə görə, “Multikulturalizm ili”nə və 28 May - Respublika Gününə həsr olunmuş olimpiada 2 mərhələdən ibarət olacaq. Birinci mərhələdə ilk 100 yeri tutan iştirakçılar II mərhələdə iştirak edəcəklər.
Bakalavrlar mayın 5-dən 21-dək http://galaxy-group.info/?option=menu&id_menu=39 linkinə daxil olaraq “Olimpiadada iştirak haqqında elektron ərizə”ni doldurmalıdırlar. Ərizəni dolduran bakalavrlar mayın 23-dən 27-dək saytda iş nömrəsini və şifrəsini qeyd edərək buraxılış vərəqəsi əldə edəcəklər.
Qeyd olunub ki, tələbələr imtahana yalnız şəxsiyyət vəsiqəsi, tələbə bileti və imtahana buraxılış vərəqəsi ilə gəlməlidirlər.
1news.az
