Federika Moqerini: “Cənub və şərq tərəfdaşları ilə balansı saxlamaq vacibdir”
Bazar ertəsi Brüsseldə Avropa İttifaqının xarici işlər nazirlərinin görüşü keçirilir. Paralel olaraq orada, Şərq Tərəfdaşlığı ölkələrinin - Azərbaycan, Gürcüstan, Ermənistan, Ukrayna, Moldova və Belarus XİN rəhbərlərinin görüşü baş tutacaq.
Şuraya gələn Avropa İttifaqının Xarici işlər və təhlükəsizlik siyasəti üzrə ali nümayəndəsi Federika Moqerini bu barədə bildirib:
“Bu, Riqada bu il və gələn il keçiriləcək iki sammit arasında vacib görüşdür. Bizim üçün cənub və şərq tərəfdaşları arasında müxtəlif məsələlər üzrə balans saxlamaq son dərəcə vacibdir. Ola bilər bu məsələlər bəzən diqqətdən kənarda qalır, lakin hər zaman günün vacib mövzularından biridir”.
Həmçinin diplomat bildirib ki, keçən həftə Azərbaycan və Ermənistan prezidentlərinin mayın 16-da Vyanaya görüşündən öncə onlarla görüşüb.
“Bu, Dağlıq Qarabağda aprelin əvvəlində baş verən eslakasiyadan sonra ilk görüş idi”.
Şərq Tərəfdaşlığı XİN rəhbrləri görüşünə Azərbaycandan Brüsselə Elmar Məmmədyarov gedib. Daha əvvəl məlumat verildiyi kimi, nazir nitqlə çıxış edəcək, eləcə də ikitərəfli görüşlər keçirəcək.
1news.az
