3 qat dünya çempionu Niki Lauda: “Formula-1-in Bakıda keçirilən mərhələsi möhtəşəm idi” | 1news.az | Xəbərlər
Müsahibə

3 qat dünya çempionu Niki Lauda: “Formula-1-in Bakıda keçirilən mərhələsi möhtəşəm idi”

16:24 - 28 / 06 / 2016
3 qat dünya çempionu Niki Lauda: “Formula-1-in Bakıda keçirilən mərhələsi möhtəşəm idi”

Bakıda cari yayın ən möhtəşəm idman tədbirlərindən biri olan Formula -1 üzrə Avropa Qran-prisinin mərhələsi keçirildi.

Bu tədbir dünya miqyasında 10 milyonlarla azarkeşlərin diqqətini növbəti dəfə Odlar yurduna cəlb etdi.

Bildiyimiz kimi, mərhələnin qalibi “Mersedes” komandasını təmsil edən 30 yaşlı alman pilot Niko Rosberq oldu.

İkinci yerin sahibi Sebastyan Fettel (“Ferrari”), 3-cü yerin isə - Serxio Peres (“Force İndia”) oldu.

Bakı startı haqda öz təəsuratlarını 1news.az-la, son bir neçə mövsümü “Mersedes” komandasının rəhbərliyində çıxış edən Formula-1 yarışmasının canlı əfsanəsi, 3 qat dünya çempionu Niki Lauda bölüşüb.

-İlk olaraq, “Mersedes” klubunun nümayəndəsi kimi sizi təbrik edirik. 

- Təşəkkür edirəm. Niko bütün distansiyanı ağılnan keçdi və haqlı olaraq Bakını mərhələnin qalibi kimi tərk edir.

Fotoda: Niko Rosberq Bakıda

-Yarışmanın ilk günündə ən yaxşı vaxt nəticəsini komandanızın digər təmsilçisi Lyüis Hemilton göstərib.

- Bəli, ilk gün Lyüisin xeyrinə bitdi. Bizdə hətta fikir yarandı ki, ən güclü 3-lükdə “Mersedes”-in iki pilotu ola bilər. Lakin hər şey alındığı kimi alındı. Niko birinci yerə çıxdı, Lyüis – beşinci.

- Sürücü və komanda arasında radioəlaqəyə qoyulan qadağa ilə bağlı sizin fikrinizi bilmək istərdik. Deyilənə görə, məhz bu yenilik Hemiltonun qələbəsinə mane oldu.

- Bəli, hardasa bu doğrudur. Yarışma vaxtı Lyüisin mühərriki özü-özünə rejimləri dəyişməyə başladı, radioedirdə isə bu məsələnin müzakirəsi gedirdi. Vəziyyət asan deyildi, lakin biz ona bu problemdən qurtulmaq üçün ipucu verə bilməzdik.

- Başqa halda...?

- Başqa halda cərimələnəcəkdik.

- Böyük sürətdə bolidi idarə etmək və eyni zamanda gözlənilməz problemi həll etmək çətin olmalıdır.

- Çox çətindir. Təsəvvür edin ki, saatda 300 kilometr sürətlə irəliləyərkən, trasa diqqət edirsiz, bundan əlavə başa düşməyə çalışırsınız ki, mühərrik problemi nədədir. Lkain qanun-qanundur və hər kəs üçün eynidir. Gərək öyrəşəsən. Yeni qaydalara əsasən, sürücü gərək özü qərar verməlidir.

Yeri gəlmişkən, Nikonun da belə bir problemi yaranmışdı. Lakin o problemi operativ şəkildə həll etdi. Lyüis isə problemin həll edilmə müddətini uzatdı. Buna görə də, ilk olaraq liderlər sırasnda qala bilmədi, sonra isə trafikdə ilişdi.

Lakin bu demək deyil ki, mən Lyüisi nədəsə günahlandırıram. Probelm çox mürəkkəb idi.

Fotoda: Niko Rosberq (solda), Niki Lauda (sağda)

-Qələbədə əsas rolu kim oynayır: insan, yoxsa avtomobil?

- Hər şeyi pilotun bacarıqları, ağlı və fərasəti həll edir. Lakin hətta dahi, ona metal tör-töküntüsü versən, qalib gələ bilməz. Ona görə də sonda həm pilotun, həmdə komandanın adını səsləndirirlər.

Fotoda: Niko Rosberq Bakı Qran-prisində finiş xəttini keçir

-Bəs sizin “Mən pis maşında belə qalib gələ bilərəm” deyiminiz?

- (gülür) Gənc idim, və hər gənc insan kimi ağızdolusu danışmağı xoşlayırdım. Heç kim,hətta Niki Lauda, metal tör-töküntüsündə yarış uda bilməz.

-Siz yalnız böyük sürücü, bolid mütəxəssisi kimi yox, həm də həqiqəti xoşlayan insan kimi məşhursunuz. Bu tez-tez konstruktorlar və hətta komanda sahibləri ilə münaqişələrə gətirib çıxarırdı. Bu sizə həyatda mane olmurdu?

-Xeyr, bir zərrə belə mane olmurdu. Formula-1 yarımçıq həqiqətin, diplomatiyanın zəruri olduğu bir yer deyil. Burada hər şey olduqca aydındır və hər şeyi 2-3 sözlə və ya rəqəmlə ifadə etmək olar. Susqunluq isə həll edilə bilməyəcək nəticələrə gətirib çıxara bilər.

Mənim rəyim, həmişə gördüyümü və bildiyimi dediyim üçün, belə qiymətlidir.

- Bu günlərdə həqiqətin dəyəri yüksəkdir?

- Onun dəyəri hər bir dönəmdə yüksək olub.

Fotoda: Niki Lauda (sağda) və Berni Ekklstoun (solda)

-Bəs Bakıda keçirilən turnir sizdə necə təəsürat yaratdı?

- Möhtəşəm təəsürat. Həm təşkilat, həm də insanların qonaqlara davranışı xoşuma gəldi. Axşamlar, isti düşdükdən sonra, Bakıda gəzintiyə çıxırdır. Sözüm yoxdur – şəhər inanılmaz dərəcədə gözəldir. Şəxsən mənim ən xoşuma gələn sahilyanı bulvar oldu.

 İdman tədbirinin uğurlu olması üçün 3 amil üst-üstə düşməlidir: 1) turnirin yüksək statusu 2) iştirakçıarın ulduz heyəti 3) tədbirin təşkilinin səviyyəsi.

Tam məsuliyyətlə demək istərdim ki, sadaladığım amillər Bakıda var idi: 1) Yarışlar prestijli idi – Avropa Qran-prisi idi 2) Yarışa qatılan pilotlar yaxşıların yaxşıları idi 3) Təşkilat səviyəsinə gəldikdə is, hər şey əla idi.

Qran-prinin uğurlu olmasında əsas rollardan birini yerli insanların qonaqpərvərliyi oynadı. Bakının əhalisi çox yaxşıdır, gülərüzdür. Çətin ki hansısa idmançı və ya azarkeş pis qəbul olunduğu yerə bir də qayıtsın.

-Bir sözlə, siz Bakıya yenə qayıtmaq istərdiniz.

- Bəli, niyə də yox.

- Yarışdan əvvəl bir neçə pilot trasın təhlükəsizliyi haqda fikirlərini bildirmişdilər. Deyirdilər ki, enişlərin olmaması narahatlıq doğurur. Lakin hər şey qəzasız ötüşdü. Belə çıxır ki, onlar yanılırdılar.

- Mən, ömrümün böyük hissəsini yarışlara həsr etdiyim üçün piltoların fikrini qulaqardına vurmuram, hətta bu gün, 67 yaşımda, özümü pilot hiss edirəm.

Və, yolun lazımi səviyyədə təhlükəsizliyinin təmil edilməməsinin hansı ağır nəticələrə gətirib çıxardığını hamıdan yaxşı bilirəm (qeyd. 1976-ci ildə Almaniya Qran-prisində Niki Laudanın bolidi alovlanmışdı, stüartların qeyri-professional hərəktləri isə idmançının dəhşətli yanıqlar almasına gətirib çıxarmışdı).

Formulada hər şeyi saniyələr həll edir...

Problemli hissələrə gəldikdə isə, heç bir pilot qəbul edən tərəfi günahlandırmırdı. Çünki Bakı mərhələsinin iştirakçıları yüksəksəviyyəli professionallardır. Və onlar bilirlər ki, yarışın təşkili və marşurutun seçimi ilə Formula-1 nümayəndələri və Beynəlxalq Avtoidman Federasiyası (BAF) məşğul olur. Və bu həmişə belə olub.

Qalan detallarla bağlı onu deyərdim ki, Azərbaycan üzərinə götürdüyü bütün öhdəlikləri layiqincə yerinə yetirib. Bu möhtəşəm mərhələ idi, və Biz Bakını xoş əhval ilə tərk edirik.

1news.az

Paylaş:
1966

Son xəbərlər

Dələduzluq, kartlardan pul oğurluğu - “Çıxışa doğru”da MÜZAKİRƏ02 / 12 / 2022, 23:55“Şəki-Oğuz” Aqroparkında yeni zavodun təməli qoyulub02 / 12 / 2022, 17:50Ceyhun Bayramov Yaponiyanın xarici əlaqələr üzrə dövlət naziri ilə görüşüb02 / 12 / 2022, 17:46Lənkəranda küçədə meyit tapılıb02 / 12 / 2022, 17:45Heydər Əliyev Fondunun təşəbbüsü ilə Oğuzda inşa edilmiş körpələr evi-uşaq bağçası istifadəyə verilib02 / 12 / 2022, 17:28Bakıda narkotik vasitələr qəbul edərək taksi fəaliyyəti ilə məşğul olan sürücü saxlanılıb - FOTO - VİDEO02 / 12 / 2022, 17:26İlham Əliyev Oğuz rayonuna səfər edib Ulu Öndər Heydər Əliyevin abidəsini ziyarət02 / 12 / 2022, 17:23“Oğuz” kiçik su elektrik stansiyaları silsiləsinin açılışı olub02 / 12 / 2022, 17:17Komissar: Serbiya Aİ-yə üzv olmaq üçün bunu etməlidir02 / 12 / 2022, 17:04Dağlıq rayonlarda qar yağacaq02 / 12 / 2022, 16:37Təbii fəlakətlərin qarşısını almaq mümkün deyil02 / 12 / 2022, 16:35İlham Əliyev Oğuza səfər edib02 / 12 / 2022, 16:25Akademik Yaqub Mahmudov İsrail Akademiyasının həqiqi üzvü seçilib02 / 12 / 2022, 16:06AQTA-ya yeni mətbuat katibi təyin edilib02 / 12 / 2022, 16:04Könül Nurullayeva AŞPA komitəsinin “Nifrətə yox” Parlament Alyansına üzv seçilib02 / 12 / 2022, 16:03Bir paylaşımın gücü - Əlisa Nicata 10.000 manata yaxın dəstək göstərildi02 / 12 / 2022, 16:00Ceyhun Bayramov ATƏT PA-nın prezidentini Ermənistanla münasibətlər barədə məlumatlandırıb02 / 12 / 2022, 15:46Bakıda restoranda yanğın olub02 / 12 / 2022, 15:45AQTA-dan xəbərdarlıq: “Dükanlardan tərəvəz, balıq, ət konservləri alındıqda, qablaşmaya fikir verilməlidir”02 / 12 / 2022, 15:42Azərbaycana zərgərlik məmulatlarının qanunsuz keçirilməsinin qarşısı alınıb - FOTO02 / 12 / 2022, 15:11
Bütün xəbərlər

Next TV