Rusiyanın müdafiə naziri Azərbaycanda Xəzərin təhlükəsizliyi məsələlərini müzakirə edəcək
Rusiyanın müdafiə naziri, ordu generalı Sergey Şoyqu Azərbaycanan səfəri çərçivəsində həmkarı, general-polkovnik Zakir Həsənovla hərbi və hərbi-texniki əməkdaşlıq məsələlərini, həmçinin Xəzər bölgəsinin təhlükəsizliyini müzakirə edəcək.
1news.az-ın RİA Novosti-yə istinadən verdiyi məlumata əsasən, bundan əlavə tərəflər Xəzər dənizində əməkdaşlıq məsələlərini də müzakirə edəcək.
“Ümid edirəm ki, ötən il hazırladığımız lahiyələr və proqramlar bu il bütünlüklə həyata keçiriləcək”, - deyə Şoyqu qeyd edib.
Öz növbəsində, general-polkovnik Zakir Həsənov S.Şoyqunun səfərinin Azərbaycan və Rusiya arasında ikitərəfli hərbi və hərbi-texniki əməkdaşlığın inkişafı baxımından böyük önəm daşıdığını bildirib.
Qeyd edək ki, bundan öncə bazar ertəsi Rusiyanın müdafiə naziri Ümummilli lider Heydər Əliyevin məzarına gül qoyub.
1news.az
