Rasim Musabəyov Ara Papyana “dəlilsiz danışmamaq” üçün internetdə araşdırmalar aparmağı məsləhət gördü

Azərbaycan Milli Məclisinin deputatı, politoloq Rasim Musabəyov erməni ekspert Ara Papyana Facebook səhifəsində bəyan etdiyi məntiqsiz qeydi ilə bağlı məsləhət verib.

“Modus Vivendi” analitik mərkəzinin rəhbəri Ara Papyana sentyabrın 1-də İrəvanda mətbuat konfransı zamanı Azərbaycanın Rusiya ilə gücləndirilmiş əlaqələri ilə bağlı narahatlığını ifadə edib.

Onun sözlərinə görə, Rusiya ATƏT-in Minsk qrupuna daxil olan yeganə ölkədir ki, münaqişə tərəflərinə (hər iki tərəfə) silah satır”, - Musabəyov qeyd edir.

“Ermənistanın müttəfiqi olaraq Rusiya öz müttəfiqinin düşməninə silah satır. Bu, dünya tarixində görünməmiş hadisədir”, - Papyan qeyd edib.

Erməni analitikinin Moskva ilə Bakının yaxınlaşması məsələsindən müyyən narahatlığı olmalıdır. Lakin silah verilməsi məsələsi ilə bağlı erməni diplomata bir sıra dəlillər sübut edilməldir.

Belə ki, ABŞ İsrail ilə müttəfiqdir və uzun illərdir ki, bu ölkəni milyard dollar dəyərində müasir silahlarla təchiz edir.

Eyni zamanda, Vaşinqton Kemp-Devid razılaşmasına əsasən uzun illərdir ki, Misir və İordaniyaya pulsuz olaraq silah göndərir. ABŞ eləcə də, öz aralarında münaqişə aparan Türkiyə və Yunanıstanı da silahla təchiz edir. Bundan əlavə, Böyük Britaniya da düşmən münasibətlərində olan Hindistan və Pakistana da silah satır”, - Rasim Musabəyov xatırladır.

“Əgər Papyan internetdə araşdırmalar etsə, o zaman bu məsələ ilə bağlı fikir dairəsini genişləndirər. Eləcə də, dəlilsiz, sübutsuz olaraq “dünya tarixində görünməmiş hadisələrdən” bəhs etməz”, - azərbaycanlı ekspert sonda sözlərinə əlavə etdi.

1news.az