Azərbaycanlı hakerlər Ermənistan Milli Təhlükəsizlik Xidmətinin məxfi məlumatlarını ələ keçirib – FOTO

“Anti-Ermənistan” komandasından olan azərbaycanlı hakerlər Ermənistanın Milli Təhlükəsizlik Xidmətinin məxfi məlumatlarının dərc ediblər.

Bu məlumatlar arasında istər Ermənistan vətəndaşları, istərsə də bu ölkəyə səfər edən əcnəbilərə aid məxfi informasiyalar yer alıb, bu haqda HackRead resursu məlumat yayır.

Qeyd olunur ki, skan edilmiş sənədlər içərisində Hindistan, Çin, Gürcüstan, İran, İngiltərə və ABŞ vətəndaşlarının pasportları da var. Hakerlər həmçinin amerikalı diplomatların digər ölkələrdə böhtan xarakterli məlumatlarını da ələ keçirib.

HackRead nəşrinə ekslüsiv müsahibə verən “Anti-Ermənistan” haker komandasından üzvlərindən biri bəyan edib:

“Biz bəyan edirik ki, Ermənistan vətəndaşların, hətta bu ölkəyə gələnlərlə bağlı şəxsi məlumatları ələ keçirmişik. Belə ki, istər müharibədə, istərsə də sevgidə bütün üsullar labüddür. Ermənistanla müharibə şəraitində olduğumuz üçün bu, onlar dayananan qədər davam edəcək”.

Ermənistanın Milli Təhlükəsizlik Xidməti İcra orqanlarını təmsil edir ki, bu da milli təhlükəsizlik baxımından ölkənin idarə olunması ilə bağlı müvafiq siyasəti həyata keçirir.

Bu, “Anti-Ermənistan” haker komandasının Ermənistanın Xüsusi Xidmətinin məlumatlarının oğurlaması ilə bağlı ilk bəyanatı deyil. Belə ki, 2013-cü ilin oktyabrında hakerlər Ermənistanın Milli Təhlükəsizlik Xidmətinin bir sıra gizli sənədlərinə yol tapa bildiklərini bildirmişdilər.

Öz növbəsində “Monte Melkonyanın kiber ordusu” adlı erməni hakerlər qeyd ediblər ki, yuxarıdakı hücum yalandır.

Lakin The Register nəşrinin yaydığı məlumata görə, sızdırılan məlumatlar doğrudur. Lakin məlumatın sızdırılması haker hücumundan daha çox insayder fəallığına bənzəyir, deyə onlayn nəşr qeyd edib.

“İnsidentlə tanışam və təsdiq edə bilərəm ki, bu cür hücumlar olub, sənədlər isə saxtadır. Belə ki, həmin məlumatlar sistemdən deyil, hansısa şəxsdən oğrulandığı ehtimal edilir”, - mənbə qeyd edib.

1news.az