Avtomobilin kabinəsində 14.000 ədəd siqaret aşkar edildi – FOTO

Naxçıvandan Azərbaycana qanunsuz yolla xeyli sayda siqaret keçirmək istəyən şəxs saxlanılıb.

1news.az xəbər verir ki, bu barədə Dövlət Gömrük Komitəsindən məlumat veriblər.

Məlumata görə, Biləsuvar Gömrük İdarəsinin “Qoşa Təpə” gömrük postunda Naxçıvan Muxtar Respublikasından İran İslam Respublikası ərazisindən tranzit keçməklə Azərbaycan Respublikasına gələn Azərbaycan vətəndaşının idarə etdiyi yük avtomobilinə gömrük baxışı keçirilib.

“Mersedes Benz Axor” markalı həmin avtomobilə baxış zamanı kabinənin yataq yerindəki döşəyin altından və kabinənin arxa hissəsindəki hava filtrinin borusunun içərisindən cəmi 14.000 ədəd “Kentnanotek  2.0” markalı siqaret aşkar edilərək götürülüb.

Faktla bağlı araşdırma aparılır.

1news.az