Bakıda oğru qaçırdığı avtomobillə iki maşını əzdi

Bakıda maşın qaçıran şəxs başqa iki maşını vuraraq əzib.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, sentyabrın 28-də Nərimanov rayonunun Ə.Əliyev küçəsindən Bakı şəhər sakini Ramil Allahverdiyevə məxsus “VAZ-2106” markalı avtomobil qaçırılıb və həmin küçədə paytaxt sakinləri Əflatun Əhmədovun idarə etdiyi “KİA” və Təranə Paşayevanın idarə etdiyi “Honda” markalı avtomobillərə vurulub.

Nərimanov RPİ 17-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini Səbri Abdullayev tutulub.

1news.az