Roma Papası Tiflisdədir
Roma Papası Fransisk sentyabrın 30-da Tiflisə səfər gedib.
Şota Rustaveli Beynəlxalq aeroportunda Papanı Gürcüstan prezidenti Giorgi Marqvelaşvili, Gürcüstanın katolikosu ikinci İlya və digər rəsmi şəxslər qarşılayıblar.
Rəsmi qarşılanma mərasimindən sonra Roma Papası Gürcüstanın Prezident sarayına gəlib, burada dövlət başçısı Giorgi Marqvelaşvili ilə görüşüb. Sonra Papa sarayın həyətində hökumət üzvləri, vətəndaş cəmiyyətinin və diplomatik korpusun nümayəndələri ilə görüşüb.
Oktyabrın 1-də Papa Tiflisdəki Mixeil Mesxi adına stadionda Müqəddəs ayin həyata keçirəcək. Liturgiyadan sonra Fransisk Gürcüstandakı katolik kilsəsinin keşişləri və din xadimləri ilə görüşəcək.
Oktyabrın 2-də isə Papa Fransisk Tiflisdən Bakıya səfər edəcək.
AZƏRTAC
