SOCAR-ın qarajında və ona bitşik evdə yanğın olub

Gecə saatlarında Bakıda SOCAR-a (dövlət neft şirkəti) məxsus qarajda və ona bitişik olan evdə yanğın olub.

1news.az xəbər verir ki, bu barədə Fövqəladə Hallar Nazirliyindən məlumat veriblər.

Məlumata görə, paytaxtın Nizami rayonunda SOCAR-ın Nəqliyyat İdarəsinin 1 saylı qarajının divarında quraşdırılmış 1 ədəd elektrik sayğacı, 5 p.m kabel və bitişik tikilmiş, vətəndaşa məxsus ümumi sahəsi 120 m² olan birmərtəbəli 3 otaqlı evin dam örtüyü 50 m² sahədə və 1 otağın, dəhlizin yanar konstruksiyaları 32 m² sahədə yanıb.

Evin qalan hissəsi yanğından mühafizə olunub. Yanğın saat 03:52-də yanğınsöndürənlər tərəfindən söndürülüb.

1news.az