Vergilər Nazirliyi kollegiyasının tərkibi təsdiq edildi

Prezident İlham Əliyev “Azərbaycan Respublikası Vergilər Nazirliyi kollegiyasının tərkibinin təsdiq edilməsi haqqında” Azərbaycan Respublikası Prezidentinin 2001-ci il 29 mart tarixli 665 nömrəli Sərəncamında dəyişikliklər edilməsi barədə sərəncam imzalayıb.

1news.az-ın dövlət başçısının rəsmi saytına istinadla verdiyi xəbərə görə, sərəncamda deyilir:

“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

“Azərbaycan Respublikası Vergilər Nazirliyi kollegiyasının tərkibinin təsdiq edilməsi haqqında” Azərbaycan Respublikası Prezidentinin 2001-ci il 29 mart tarixli 665 nömrəli Sərəncamının (Azərbaycan Respublikasının Qanunvericilik Toplusu, 2001, № 3, maddə 195; 2005, № 11, maddə 1049; 2009, № 9, maddə 713; 2013, № 7, maddə 822; 2015, № 2, maddə 146; 2016, № 4, maddə 711) 1-ci hissəsində aşağıdakı dəyişikliklər edilsin:

1. “İqtisadi təhlil və sahibkarlıq subyektlərinin dövlət qeydiyyatı” sözləri “Vergi risklərinin təhlili və nəzarəti” sözləri ilə əvəz edilsin.

2. “Azərbaycan Respublikası Vergilər Nazirliyinin Vergi auditi baş idarəsinin rəisi” abzası ləğv edilsin.

3. “Azərbaycan Respublikası Vergilər Nazirliyinin Hüquq baş idarəsinin rəisi” abzasından sonra aşağıdakı məzmunda abzas əlavə edilsin:

“Azərbaycan Respublikası Vergilər Nazirliyinin Vergi Auditi və operativ nəzarət idarəsinin rəisi”.

1news.az