Həmrəylik Gününü Röya, Miri Yusif, Hadisə və Demet Akalın ilə birgə qeyd edəcəyik
Bakı Olimpiya Stadionun təşkilatı ilə 31 dekabr tarixində, Yeni il və Dünya Azərbaycanlılar Həmrəyliyi Gününə həsr olunmuş bayram konserti baş tutacaq.
1news.az-ın məlumatına görə, konsert proqramında yerli ulduzlar olan Röya və Miri Yusif ilə yanaşı türk estrada ulduzları Hadisə, Demet Akalın, Murat Dalkılıc, Berksan, Ozan Doğulu, məşhur dj-lər Cemre və Mahmut Orhan çıxış edəcəklər.
Stadionun əsas meydançada təşkil olunan konsert proqramı Yeni ilə geriyə sayım, bayram salütu və diskoteka ilə davam edəcək.
Şənliklərlə birgə, əsl bayram əhval-ruhiyyəsi üçün 4 ədəd avtomobil və 10 ədəd televizor hədiyyə fondu olan lotereya təşkil olunacaq.
Satışına gələn həftə start veriləcək biletlərin qiyməti 9 AZN-dən başlayır. Biletləri iticket.az saytı vasitəsilə və şəhərin kassalarında və ASAN Xidmət mərkəzlərində əldə etmək olar.
Saat 20:00-da başlayacaq konsertlə bağlı hər-hansı əlavə məlumat Bakı Olimpiya Stadionun saytında və sosial şəbəkələrin rəsmi səhifələrdə əldə etmək olar.
1news.az
