Bakıda “Turana yolcu edilen eğitim sevdalıları” kitabının təqdimatı keçirildi – FOTO
Noyabrın 13-ü Bakıda müəllifi gənc tədqiqatçı olan Elnurə Rzayeva olan “Turana yolcu edilen eğitim sevdalıları” kitabının təqdimatı keçirilib.
1news.az-ın verdiyi məlumata əsasən, təqdimat mərasimində bir sıra ziyalılar, müəllimlər, KİV-nümayəndələri və mövzu ilə maraqlnanan digər insanlar iştirak ediblər.
Təqdimat çərçivəsində ilk növbədə kitabın müəllifi E.Rzayeva və kitabın ərsəyə gəlməsində əməyi olan türkolog, filologiya elmləri doktoru, professorMinəxanım Təkləli, həmçinin yazıçı-publisist, filologiya üzrə fəlsəfə doktoru Natəvan Dəmirçioğlu və Xarici Dillər Universiteti Azərbaycan dili və ədəbiyyatı kafedrasının doktorantı Gülşanə Xudiyeva çıxış etdilər.
Daha sonra müəllifə kitabı və gələcək fəaliyyəti barədə suallar verilib.
Suallar cavablandırılandan sonra tədbir kitabların imzalanması və iştirakçılara dağıdılması ilə keçib.
Sonda isə xatirə şəkili çəkilib.
Kitabda Azərbaycanın maarifləndirilməsində rol oynamış türkiyəli cədidlərin fəaliyyətindən bəhs edilir.
Qeyd edək ki, E.Rzayevanın ərsəyə gətirdiyi kitabda, Azərbaycanın demokratik ruhlu ziyalılarının təşəbbüsü və səyi ilə Türkiyədən yerli məktəblərdə işləmək üçün müəllimlər dəvət edilməsi haqqında danışılır.
Bu müəllimlər arasında Mehmet Cövdət bəy, Ömər Faiq Numanzadə, Əhməd Kamal, Xeyrəddin bəy, Akif bəy, Savat Cavat, Şövkət Sürəyya Aydəmir kimi ziyalıların adları keçir.
Bu cədidlər Azərbaycanda tezliklə bir maarif məşəli timsalında parlaq işıqlı simalara döndülər.
1news.az
