“Expert Group” əmlakla bağlı bütün sahələrdə vətəndaşlara və şirkətlərə xidmət göstərəcək – FOTO – VIDEO

10:00 - 13 / 12 / 2016

Fərdi şəxslərin və tikinti şirkətlərinin əmlakla bağlı ehtiyac duyduğu peşəkar dəstəyi göstərəcək “Expert Group” adlı şirkət fəaliyyətə başladı.

“Expert Group” tikinti sahəsində tez-tez önə çıxan müxtəlif problemlərin həlli istiqamətində xidmət göstərir. Bu şirkət layihə, təhlil, tikinti, marketinq, qiymətləndirmə və konsaltinqlə bərabər 6 sahədə öz xidmətlərini təklif edir:

“Ekspert layihə” şöbəsi hər növ tikilinin real vəziyyətə uyğun olaraq layihələndirilməsi, müvafiq dövlət orqanlarına yönləndirmək üçün lazım olan vəziyyətə gətirilməsini həyata keçirir.

“Ekspert tikinti” xidmətləri ilə hər hansı tikinti üzrə işlər aparmaq istəyən şirkətlər üçün bazarda ən uyğun məhsulları və qiyməti müəyyən edilir və ehtiyac olduqda sifarişçinin istəyi ilə bazarda daxili rəqabət yaradaraq ən uyğun nümunələri ona yönəldilir.

“Ekspert təhlil” şöbəsi təqdim olunan tikililərin (yaşayış və qeyri-yaşayış binaları, fərdi yaşayış evləri) layihələrini yüksək ixtisaslı və peşəkar mütəxəssislərlə analiz edərək optimallaşdırır və bu da tikintinin sürətlə və səmərəli aparılmasına təsir edir.

“Ekspert marketinq” xidmətində obyektin texniki, iqtisadi göstəricilərini nəzərə alaraq yerləşdiyi ərazinin təhlili ilə ətraf mühitin analizi, yaxınlıqdakı mövcud tikililərin təyinatını gözdən keçirərək sakinlərin kateqoriyasına müvafiq hansı sahənin sizin obyektinizə daha uğurlu biznes mühitinə çevriləcəyini marketinq üzrə mütəxəssislərin köməyi ilə təsbit edilir.

“Eksper qiymətləndirmə” şöbəsi daşınmaz əmlakın əsl qiymətini təsbit edərək dövrün real qiyməti hesablayır və nəticədə həm alıcının, həm də satıcının risklərini azaldır.

Şirkətin digər aktual xidməti “Ekspert konsaltinq”dir. Bu xidmət çərçivəsində əhalinin daşınmaz əmlakla bağlı istənilən suallarına cavab verilir. Bunun üçün şirkətin *0001 nömrəli qaynar xətti də fəaliyyət göstərir. Konsaltinq şöbəsinin mütəxəssisləri vətəndaşların almaq və ya satmaq istədikləri əmlaklara yerində baxır, rentabellilik hesablanır və risklər barədə ətraflı məlumat verir.

Şirkətin xidmətləri ilə ətraflı məlumatı www.expertgroup.az saytından almaq mümkündür.