Marin Le Pen Qarabağın Ermənistana birləşdirilməsini təklif edir

Fransada prezidentliyə namizədlərdən biri, “Milli cəbhə” partiyasının lideri Marin Le Pen hesab edir ki, Dağlıq Qarabağ münaqişəsinin ən yaxşı həlli Qarabağın Ermənistana birləşdirilməsidir.

Bu haqda o, fransız dilli Nouvelles d’Arménie dərcinə verdiyi müsahibədə bildirib. Bu haqda erməni dilli sayt Panorama məlumat verir.

Onun sözlərinə, keçmiş SSR-nin inzibati sərhədi çox tez və mənasız olaraq beynəlxalq müstəvidə tanınıb:

“Lakin müstəqillik əvəzinə Ermənistan və Azərbaycanın Qarabağın Ermənistana birləşdirilməsi ətrafında düşünməsi yaxşı olardı”.

Fransada prezident seçkiləri ərəfəsində namizədlər nüfuzlu erməni icmasının səsçoxluğunu toplamaq üçün fəal addımlar atırlar.

Belə ki, daha əvvəl prezidentliyə namizədlərdən biri, ölkənin ən iri müxalifət partiyası olan “Respublikaçılar”ın nümayəndəsi  Fransua Fiyon da elə həmin nəşrə müsahibsəində Azərbaycanı “Qarabağı güclə qoparmaqda” iddiham etmişdi.

Onun sözlərinə görə, münaqişə Stalinin Qarabağı ermənilərdən alaraq Azərbaycana birləşdirməsindən sonra yaranıb.

Qarabağ mövzusundan başqa, fransız politoloqlar seçikilərdə qalib gələcəkləri təqdirdə Osmanlı imperiyası tərəfindən törədilmiş qondarma “erməni soyqırımı”nın beynəlxalq müstəvidə tanınmasına səy göstərəcəkərini də vəd edirlər.

S.Xankişiyeva