Almaniya səfiri Naxçıvana səfər edib – FOTO
Almaniyanın ölkəmizdəki səfiri Mixael Kindsqrabın 18-19 aprel tarixlərində Naxçıvana səfər edib.
Səfirlikdən 1news.az-a verilən məlumata görə, səfir Naxçıvan Respublikası Ali Məclisinin sədri Vasif Talıbovla görüşüb. Görüş əsnasında Almaniya və Azərbaycan arasında münasibətlər haqqında fikir mübadiləsi aparılıb. Hər iki tərəf iqtisadiyyat və mədəniyyət sahələrində əməkdaşlığın dərinləşməsi üçün danışıqları davam etdirmək barədə qərar veribər.
Muxtar Respublikanın iqtisadiyyat naziri Famil Seydiov və Xarici İşlər Nazirliyinin Naxçıvan Muxtar Respublikasındakı İdarəsinin rəisi Əsgər İsmayılov görüşdə əsasən iqtisadiyyat və konsulluq məsələləri ilə əlaqədar müzakirələr aparılıb.
Səfərin diqqət mərkəzində Muxtar Respublikanın iqtisadi potensialı ilə tanışlıq durub. M.Kindsqrab Naxçıvan Biznes Mərkəzində xüsusilə respublikanın kənd təsərrüfatı məhsullarına baxıb.
Bundan başqa səfir sənaye şəhəri hesab olunan Naxçıvanda 2010-cu ildən fəaliyyət göstərən NAZ-Lifan avtomobil zavodu ilə tanış olub. Səfirə məlumat verilib ki, bu zavodda Çin modellerinə uyğun olaraq minik avtomobillərinin yığımı təşkil olunur.
Səfir Kindsqrab Naxçıvanda bir neçə muzeydə və Duz Dağı müalicə mərkəzində olmaqla Muxtar Respublikanın turizm potensialı ilə tanış olub.
Səfər proqramı çərçivəsində ən vacib görüşlərdən biri də Naxçıvan Özəl Universitetinin rektoru İsmayıl Əliyev və alman dilini tədris edən müəllimlərlə görüş olub. Hər iki tərəf 2016-cı ildən özəl universitet və Lüdviq Maksimilian Münhen universiteti arasında əməkdaşlığın vacibliyini xüsusi qeyd ediblər.
Qeyd edək ki, M.Kindsqrab 2016-cı ilin avqust ayından Almaniya Federativ Respublikasının Bakıdakı səfiridir.
Səfir Kindsqrab diplomatik fəaliyyəti çərçivəsində müntəzəm olaraq ölkənin bölgələrinə rəsmi səfərlər hayata keçirir.
Babək Cahandarov
