Kapital Bank uşaqlar üçün silsilə tədbirlər keçirib
Xəbər verildiyi kimi, Kapital Bank 1 İyun – Uşaqların Beynəlxalq Müdafiəsi Günü ərəfəsində “Nağıllara səyahət” adlı sosial layihə təşkil edib.
Layihə çərçivəsində ölkənin bir sıra şəhərlərində uşaqlar üçün pulsuz teatr tamaşaları nümayiş olundu. Layihə zamanı hazırlanan video-çarx və fotolar Bankın Facebook sosial şəbəkəsindəki səhifəsinə yerləşdirilib - www.facebook.com/kapitalbank.
“Hər il olduğu kimi Uşaqların Beynəlxalq Müdafiəsi Günü ərəfəsində balaca dostlarımızı sevindirəcək layihə təşkil etdik. Builki tədbiri daha geniş miqyasda həyata keçirərək, ölkənin bir sıra regionlarını əhatə etdik. Tamaşalarda ümumi olaraq 4000-ə yaxın uşaq qatıldı. Tədbir zamanı həmçinin maraqlı müsabiqələr təşkil olundu və məktəblilərə Kapital Bank adından hədiyyələr verildi. Tədbirin keçirilməsində göstərdikləri dəstəyə görə Təhsil Nazirliyinə və ASAN Radioya təşəkkürümüzü bildiririk”, - deyə, Kapital Bank-ın Marketinq departamentinin direktoru Günel Fərzəliyeva bildirib.
Qeyd edək ki, layihə çərçivəsində Sabit Rəhman adına Şəki Dövlət Dram Teatrında “Kəlilə və Dimnə” tamaşası, Gəncə Dövlət Dram Teatrında “Tıq-tıq xanım”, Lənkəran Dövlət Dram Teatrında “Ceyranın ad günü” və Abdulla Şaiq adına Dövlət Kukla Teatrında “Tıq-tıq xanım” tamaşası nümayiş olundu.
Azərbaycanda ən böyük filial şəbəkəsinə malik olan Kapital Bank, 91 filialı və 5 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.
Reklam hüququnda
