“BoB Akademiya” təlim mərkəzi istifadəyə verilib – FOTO
Azərbaycanın bank sektorunun akademiyası olaraq tanınan Bank of Baku “BoB Akademiya” adlı yeni təlim mərkəzinin açılışını etdi.
Bankın İdarə Heyəti üzvlərinin, departament və filial direktorlarının iştirakı ilə təşkil olunan rəsmi açılış mərasimi, iyunun 3-də Bank of Baku özünün yaratdığı təlim mərkəzi - BoB Akademiya-nın açılış mərasimini keçirdi.
Tədbirdə peşəkar bank mütəxəssislərinin hazırlanmasında və inkişafında BoB Akademiyanın əhəmiyyətindən danışan Bankın İdarə Heyətinin sədri Eldar Həmidov qeyd edib:
“BoB Akademiya Bank of Baku-nun korporativ təlim və inkişaf strategiyasının icrasında, əməkdaşların karyera hədəflərinə çatmasında çox mühüm rola malik olacaq. Əminəm ki, bu mərkəzin açılışı Bankımızın gələcəkdə daha böyük uğurlar əldə etməsinə, korporativ biznes əlaqələrinin genişləndirilməsinə, bankdaxili komanda ruhunun artırılmasına zəmin yaradacaq”.
BoB Akademiya həm bankdaxili, həm də bankxarici tədbir və görüşlərin keçirilməsi üçün unikal məkan rolunu oynayacaq. Burada eyni zamanda müxtəlif sahələr üzrə bankın və korporativ müştərilərin əməkdaşları, həmçinin tələbələr üçün peşəkar təlimlərin də keçirilməsi nəzərdə tutulub.
Daha ətraflı:
145 məlumat mərkəzi
